Туруктуу Өнүгүү Максаттарынын Кыргыз Республикасындагы Жаш Элчилери - 2021

Долбоордун максаты - Кыргыз Республикасында туруктуу өнүгүү идеяларын жана ТӨМдү жаштардын активдүүлүгү аркылуу жайылтуу.

Туруктуу өнүктүрүү Максаттарынын (ТӨМ)  Жаш Элчилери - бул Кыргыз Республикасындагы БУУ тутумунун жана Жаштар иштери, дене тарбия жана спорт мамлекеттик агенттигинин тыгыз кызматташтыгы менен 2019-жылдан бери Кыргыз Республикасында ишке ашырылып келе жаткан долбоор.

Долбоордун максаты - Кыргыз Республикасында туруктуу өнүгүү идеяларын жана ТӨМдү жаштардын активдүүлүгү аркылуу жайылтуу. 2019-жылдын сентябрь айынан 2020-жылдын июнь айына чейин 34 Жаш элчининбиринчи тобу жүздөн ашуун иш-чараларды өткөрүп, 12000ден ашуун адамга туруктуу өнүгүү жана ТӨМ жөнүндө маалымат. Жаш Элчилердин биринчи тобунун ишмердүүлүгү жөнүндө баяндамаменен бул жерден таанышууга болот.

2020-жылы долбоор эки фазага бөлүнүп, аткарылды. Биринчи этаптын алкагында (“ТӨМ Академиясы”) 300 өтүнмөнүничинен, туруктуу өнүгүү жаатында интенсивдүү окутуудан өткөрүү,баарлашуу көндүмдөрүн үйрөтүү жана социалдык долбоорлорду түзүү үчүн өлкөнүн бардык аймактарынан 20 жаш активист тандалып алынды. ТӨМ Академиясынын эң мыкты беш катышуучусу ТӨМдүн Жаш Элчилери болуп тандалды.

2021-жылдын май айында ТӨМ Элчилеринен турган жаңы топ өз милдеттерин аткарууга киришмекчи. Элчилердин ишмердүүлүгүнө ТӨМдү жана 2030-жылдын күн тартибин өз ара шериктештик, жамаат жана өлкө деңгээлинде жайылтуу жана иш-чараларды уюштуруу жолу менен ТӨМдүн жетишүүсүн колдоо үчүн ыктыярчыларды мобилизациялоо кирет. Буга ар кандай форматтагы иш-чараларды уюштуруу, Кыргыз Республикасындагы туруктуу өнүгүү жана анын жетишкендиктери жөнүндө маалыматты таратуу жанатуруктуу өнүгүүгө байланыштуу иш-чараларга баяндамачы жана жаш адистер катары катышуу кирет.

2021-жылыТӨМдүн Жаш Элчилери болуп Мираида Алмазбекова, Айгүл Давранова, Алия Мамырканова, Элиза Ураимова жана Данил Цой 2021-жылы тандалды.

Мираида Алмазбекова, 18 жашта, Баткен

+996 706 780 781, miraida20022708@gmail.com

Кыргыз-Түрк "Манас" университетинин студенти. Үч жылдан бери климаттын өзгөрүшү боюнча коомдук иш-чараларга активдүү катышып, ошондой эле билим берүү тармагындагы теңсиздикти жоюу, адам укуктарын сактоо жана жардамга муктаж болгон адамдарга колдоо көрсөтүп келет, ошондой эле Баткен шаарынын тазалыгын жакшыртуу боюнча иш алып барат. AIESEC, Enactus, Biota жана "Элим барсыңбы? коомдук уюмдарында ыктыярчылык иштерин аткарат.  Бул уюмдар менен биргеликте ал айрым адамдардын жашоосун өзгөртүүгө жардам берген көптөгөн социалдык долбоорлорду ишке ашырган. Болочок инженер-эколог жана ТӨМ Жаш Элчиси катары Мираида айлана-чөйрөнү коргоого багытталган максат менен иш алып барууну каалайт.

###

Айгүл Давранова, 21 жашта, Бишкек

+996 552 565 668, davranovaaigul@gmail.com

Күнүмдүк жашоодо Айгүл гендердик теңдик, сапаттуу билим берүү жана жаштардын укуктук аң-сезимин жакшыртуу менен алектенет. Азыр  лидерлик жөндөмдөрү боюнча “Лидерлик мектеби” жана жаштардын укуктук сабаттуулугу боюнча “Укук мектеби” долбоорлорун ишке ашырып, Кыргызстандын өнүгүшүнө салым кошууда. Ал “ВИЧ-СПИД менен жашаган аялдардын өлкөлүк тармагы” коомдук фондунда директордун орун басары болуп иштейт жана ВИЧ-позитивдүү аялдардын өнүгүүсүнө, жаңы көндүмдөргө ээ болушуна жардам берет, ошондой эле аларга укуктук жардам берип келет. Айгүл ТӨМ жөнүндө алгач Бириккен Улуттар Уюмунун Өнүктүрүү программасы ыктыярчыларды чогулта баштаганда билген. Ал ТӨМ 3 (Ден-соолук жана бакубат жашоо), ТӨМ 5 (Гендердик теңдик) жана ТӨМ 10 (Теңсиздикти азайтуу) максаттарынакызыгат. ТӨМ элчиси катары ал орто мектептен кийин кыздардын кесип тандоосуна болгон көз карашты өзгөртүү багытында иш алып барууну эңсейт.

###

Алия Мамырканова, 22 жашта, Бишкек

+996 555 722 780, aliyamamyrkanova@gmail.com

Aктивист. "Глобалдык ой жүгүрт, жергиликтүү деңгээлде иш алып бар" принциби боюнча иш алып барат.  2016-жылы ТӨМ концепциясы жөнүндө билип, окуу учурунда алты социалдык долбоорду уюштурган, анын ичинде жаштардын лидерлик сапаттарын өнүктүрүп жана англис тилин үйрөтүү менен алек болгон. Ал глобалдык көйгөйлөрдү мүмкүн болушунча көп адамдар билсе, анда аларды тезирээк чечсе болот деп эсептейт. Эң негизгиси ТӨМ 4 (Сапаттуу билим), ТӨМ 5 (Гендердик теңдик), ТӨМ 8 (Татыктуу эмгек жана экономикалык өсүш) жана ТӨМ 10 (Теңсиздикти азайтуу) кызыгат. Жаш Элчиси катары ал жаштар, активисттер жана ыктыярчылар менен иштөөгө басым жасап, ТӨМ идеяларын Кыргызстанга жайылтууну пландаштырууда.

###

Элиза Ураимова, 18 жашта, Ош

+996 755 100 517, uraimovaeliza02@gmail.com

Коомдогу социалдык биримдик жана туруктуулук өнүгүү жолунда негизги ролду ойнойт деп ишенет, бирок аларга сапаттуу билим берүү аркылуу гана жетишүүгө болот деп эсептейт. Ыктыярдуулук жана жигердүүлүк аркылуу ал аялдарга, кыздарга жана этностук азчылыктарга карата толеранттуулук жана басмырлабоо идеяларын жайылтат. Анын жашоодогу негизги максаты - коомдун өнүгүшүнө салым кошуу. ТӨМ Академиясынын мүчөсү болууга  досу түрткү берген. Бардык ТӨМдөрдүн ичинен ТӨМ 4 (Сапаттуу билим) жана ТӨМ 16 (Тынчтык, адилеттүүлүк жана күчтүү институттар) кызыгат, анткени ал аларды коомубуздун гүлдөп-өнүгүшүнүн ачкычы деп эсептейт. ТӨМ Элчиси катары ал мекендештеринин арасында ТӨМ жөнүндө идеяларды жайылтууну, жаштарды өзүн-өзү өнүктүрүүгө шыктандырууну жана башкаларга ТӨМ жаатында өнүгүүгө багыт берүүнү пландаштырууда.

###

Данил Цой, 19 жашта, Бишкек

+996 552 427 844, danil.tsoi.ylsp@gmail.com

Кыргыз-Орус Славян Университетинин юридикалык факультетинин 3-курсунун студенти. Эки жылдан бери ыктыярчылык иштерине катышып келет. ТӨМ концепциясы менен 2019-жылы таанышкан. Эмгек жолун Бириккен Улуттар Уюмунун Өнүктүрүү Программасында ыктыярчы болуп иштөөдөн баштаган, азыр “Жаш Лидерлер Социалдык Прогресс үчүн” коомдук платформасын жетектейт, ал жерде демилгелүү жаштардын командасы менен  Кыргызстанда жана Борбордук Азияда ТӨМдү жайылтууга багытталган чыгармачыл демилгелерди жана долбоорлорду иштеп чыгып, жүзөгө ашырууда. Ал “Law in Action”, “L-CORP” долбоорлорунун, #SDGGamesKG иш-чараларынын жана башка коомдук иш-чаралардын идеологиялык шыктандыруучусу жана координатору болуп, жаштардын көптөгөн демилгелерин жана иш-чараларын ишке ашырды. Ал ошондой эле БУУнун Кыргыз Республикасынан 2021-2022-жылдарга Жаштар делегаты болуп тандалган. Данил айлана-чөйрөнү коргоо жана биологиялык ар түрдүүлүктү сактоо көйгөйлөрү менен түздөн-түз же кыйыр түрдө байланышкан максаттарга багытталган ТӨМдөрдү активдүү илгерилетип, юридикалык институттарды өнүктүрүүнүн жана адам укуктарын коргоонун актуалдуу маселелери, ошондой эле жаштарга сапаттуу билим берүү жана ушул сыяктуу көйгөйлөрдү чечүүнүн жаңы ыкмаларын жана инновациялык усулдарынкиргизүүдө. ТӨМ Элчиси катары ал ыктыярчы корпусун түзүү, ТӨМ боюнча регионалдык форумду уюштуруу, ТӨМ багытында интерактивдүү оюнун иштеп чыгуу, жаштардын лидерлик программасы жана жаш окумуштуулар үчүн илимий конференция өткөрүү боюнча иштерди пландаштырууда.

Маалымдама:

Туруктуу Өнүгүү Максаттары - бул 2030-жылга чейинки Туруктуу Өнүктүрүү Күн тартибинин (Күн тартиби 2030), 2015-жылы БУУга мүчө 193 мамлекет, анын ичинде Кыргызстан тарабынан кабыл алынган ар тараптуу эл аралык документ. Максаттар адамзаттын бардык негизги көйгөйлөрүн камтыйт жана 2030-жылга чейин жетишүүнүн бир нече максаттарын белгилейт.

Бул демилгеге катышкан БУУ агенттиктери
БУУ
Бириккен Улуттар Уюму