БУУ Кыргыз Республикасын БУУнун Адам укуктары боюнча кеңешине шайланышы менен куттуктайт

БУУнун Адам укуктары боюнча кеңешине шайлануу – чоң жетишкендик жана башка мамлекеттерге үлгү болуу менен, адам укуктарын илгерилетүү боюнча ыкчам аракеттерди жасоого уникалдуу мүмкүнчүлүк түзөт.

Кыргыз Республикасындагы БУУ тутуму БУУнун Адам укуктары боюнча Кеңешине шайланаар алдында Кыргыз Республикасы тарабынан ыктыярдуу түрдө берилген убадаларды жана милдеттенмелерди кубаттайт, өзгөчө адам укуктарынын эл аралык механизмдери менен кызматташууну бекемдөө; саясатты иштеп чыгууга катышуу үчүн жарандык коомдун потенциалын жогорулатуу; адам укуктары боюнча калктын маалымдуулугун жогорулатуу; жаш балдардын укуктарын илгерлетүү жана коргоо; укук коргоо органдарынын кызматкерлерин окутуу; аялуу топторду коргоо; майыптуулугу бар адамдардын укуктарын колдоо; аялдардын жана кыздардын укуктарын жана мүмкүнчүлүктөрүн кеңейтүү.

Бул ыктыярдуу милдеттенмелер жана убадалар буга чейин Кыргыз Республикасындагы жетишилген прогрессти бекемдеп жана бардык адамдар үчүн адам укуктарын жана негизги эркиндиктерин урматтоону андан ары күчөтүп, тийиштүү саясатты, мыйзамдарды жана иш-аракеттерди ишке ашырууга негиз боло алат. БУУнун системасы өлкөдөгү адам укуктарын илгерилетүү боюнча өкмөт, жарандык коом жана бардык өнөктөштөр менен кызматташууга даяр.