Биздин Кыргыз Республикасындагы команда

Брайан Уильямс мырза, Америка Кошмо Штаттарынын жараны, кабыл алуучу тарап — Кыргыз Республикасынын Министрлер Кабинетинин макулдугу менен Бириккен Улуттар Уюмунун Башкы катчысы Антониу Гутерриш тарабынан БУУнун Кыргызстандагы Туруктуу координатору болуп дайындалды. Ал 1-октябрда өз кызматына киришти.

Брайан Уильямс мырза эл аралык өнүгүү, тынчтыкты куруу, коомдук саламаттык сактоо, гуманитардык ишмердүүлүк жана өнүктүрүү жаатындагы координация тармактарында 30 жылдан ашуун тажрыйбага ээ. Акыркы кызматында ал БУУнун Саясий маселелер жана тынчтыкты куруу иштери боюнча департаментинин (DPPA) Тынчтыкты курууну колдоо боюнча кеңсесинде Тынчтыкты куруу фондунун жетекчиси болуп, Башкы катчынын Тынчтыкты куруу фондун башкарган.

Бул кызматка чейин Брайан Уильямс мырза БУУнун Өнүктүрүүнү координациялоо боюнча кеңсесинде (DCO) Саясат жана программалоо боюнча жетекчинин милдетин убактылуу аткарган. Андан мурда, 2015–2020-жылдары, Брайан Уильямс мырза БУУнун Албаниядагы Туруктуу координатору болуп иштеген. Ал эми 2010–2015-жылдары Брайан Уильямс мырза Тынчтыкты куруу фондун жетектеп, жаңжалдан чыккан өлкөлөрдө тынчтыкты курууну жана жаңжалдардын алдын алууну колдоого багытталган демилгелерди каржылоону көзөмөлдөгөн.

2001–2008-жылдары Брайан Уильямс мырза ВИЧке каршы глобалдык чаралардын алкагында иштеп, Бириккен Улуттар Уюмунун ВИЧ/СПИД боюнча биргелешкен программасынын (UNAIDS) Мьянмадагы өлкөлүк координатору болгон, ошондой эле UNAIDSтин Женевадагы башкы кеңсесинде бир катар кызматтарды аркалаган.

1990-жылдан бери Брайан Уильямс мырза Пакистанда, Афганистанда, Камбоджада, Конго Демократиялык Республикасында, Бурундиде жана Руандада гуманитардык жардам, мамлекеттик башкаруу, мыйзам үстөмдүгү, калыбына келтирүү жана тынчтыкты куруу багыттарында иштеген.

Бириккен Улуттар Уюмуна келгенге чейин Брайан Уильямс мырза АКШнын Эл аралык өнүктүрүү агенттигинде (USAID), CARE International уюмунда жана Эл аралык куткаруу комитетинде (International Rescue Committee) эмгектенген.

Брайан Уильямс мырза АКШдагы Принстон университетинде өнүгүү жаатындагы изилдөөлөр боюнча магистр даражасын, ал эми Гарвард университетинде электр инженериясы боюнча бакалавр даражасын алган.

Брайан Уильямс мырза үй-бүлөлүү, эки баланын атасы.

Бактыбек Кайназаров 2022-жылы Бириккен Улуттар Уюмунун Калк фонду (ЮНФПА) тарабынан Кыргыз Республикасындагы кеңсенин жетекчиси болуп дайындалган. Бул кызматка чейин ал Жаштар, калк жана өнүгүү маселелери боюнча улуттук программа аналитиги болуп иштеп, улуттук өнөктөштөрдү далилдерге негизделген саясаттарды иштеп чыгууда, маалыматтарды жыйноо жана таратуу механизмдерин чыңдоодо, ошондой эле демографиялык туруктуулукту жана калк саясатын илгерилетүүдө колдоо көрсөткөн. Анын ишмердүүлүгү активдүү картаюу, жаштардын негизги саясаттарга интеграциясы, анын ичинде сексуалдык жана репродуктивдик саламаттык жана укуктар (СРЗУ), ошондой эле жаштарды тынчтыкты орнотуу ишине тартуу сыяктуу багыттарды камтыган.

Кайназаров мырза ЮНФПАнын Кыргызстандагы жана Казакстандагы субрегионалдык кеңселериндеги ишмердүүлүгү аркылуу, ошондой эле Кыргыз Республикасындагы Улуттук демократиялык институтта, АКШдагы RepresentWomen уюмунда, Польшадагы Эл аралык миграция уюмунда (IOM), БУУнун Ыктыярчылар программасы/ПРООНдо жана Кыргызстандагы Counterpart International уюмунда иштеп, кеңири тажрыйба топтогон. Анын адистиги гендердик теңчилик, жаштардын мүмкүнчүлүктөрүн кеңейтүү, миграция жана калктын динамикасы жаатындагы маселелерди камтыйт.

Ал Ягеллониян университети (Польша) менен Палацки университетинен (Чех Республикасы) алган Европа изилдөөлөрү боюнча кош магистр даражасына ээ. Ошондой эле ал Польша Илимдер академиясы менен Ланкастер университетинен (Улуу Британия) Социология жана саясат таануу боюнча экинчи кош магистр даражасын алган. Мындан тышкары, Бактыбек Кайназаров мырза Польша Илимдер академиясы тарабынан ыйгарылган Социалдык илимдер боюнча философия доктору (PhD) даражасына ээ.

Айым Александра Соловьева 2023-жылдын августунда Бириккен Улуттар Уюмунун Өнүктүрүү программасынын (БУУӨП) Кыргыз Республикасындагы Туруктуу өкүлү кызматына киришкен. Анын БУУнун Азия жана Тынч океан, Европа жана башка аймактарындагы өлкөлөрдө, ошондой эле штаб-квартирада иштеген 25 жылдан ашык иш тажрыйбасы бар.

Буга чейин айым Соловьева 2019-жылдын апрелинен 2023-жылдын августуна чейин Беларусь Республикасында БУУӨПтүн туруктуу өкүлү болуп иштеген. Ал БУУӨПтүн өнүктүрүү багытындагы иштерин жетектеп, өлкөнүн Туруктуу өнүгүүнүн максаттарына жетишүүсүнө ар тараптуу колдоолорду көрсөткөн. Өзүнүн эл аралык тажрыйбасын жана билимин колдонуу менен айым Соловьева санариптик трансформацияны, “жашыл” экономикага өтүүнү, инклюзивдик жумуш орундарын түзүүнү, климаттык жана экологиялык ресурстарды башкарууну, гендердик теңчиликти жана саламаттыкты сактоо тутумун чыңдоону колдогон.

2018-2019-жылдары айым Соловьева Бонн шаарындагы Бириккен Улуттар Уюмунун Ыктыярчылар (UNV) Программасынын тышкы байланыштар жана коммуникациялар тармагын жетектеген, ал жерде UNV глобалдык күн тартиби боюнча негизги өнөктөштөргө Туруктуу өнүктүрүүнүн максаттарына жетүү үчүн ыктыярчылык иш боюнча кеңеш берген, ошондой эле мүчө мамлекеттер, өкмөттөр аралык жана өкмөттүк эмес уюмдар, каржы институттары, жарандык коом, илимий чөйрө, массалык маалымат каражаттары жана жеке сектор менен стратегиялык өнөктөштүктү жетектеген. 2014-жылдан бери айым Соловьева Бириккен Улуттар Уюмунун ыктыярчылар уюмунун ыктыярчылар инфраструктурасы, тынчтык, жаштар, базалык социалдык кызматтар жана коомчулуктун туруктуулугу боюнча беш глобалдык программасын жетектеген. Анын ичинде Африкадагы, Азия жана Тынч океан аймактарындагы, Латын Америкасындагы жана Кариб бассейниндеги аймактык кеңселерин жетектеген.

2011-2014-жылдары айым Соловьева Индия Республикасындагы БУУӨПтүн Туруктуу өкүлүнүн орун басары болуп иштеген. Ал өнүгүүнү колдоо жана улуттук дараметти чыңдоо боюнча кызматтарды көрсөткөн, саясат маселелери боюнча кеңештерди берген жана улуттук өнүгүүнүн артыкчылыктарын, анын ичинде башкарууну, адамдык өнүгүүнү, социалдык коргоону, жашоо-тиричиликти камсыздоону, кырсыктардын тобокелдигин азайтууну, ВИЧ, инклюзивдүүлүк жана башкаларды камтыган БУУнун жана БУУӨПтүн негизги документтерин даярдоону координациялаган.

2003-жылдан 2011-жылга чейин айым Соловьева БУУӨПтүн штаб-квартирасында бир нече кызматтарды ээлеген, анын ичинде Азия жана Тынч океаны боюнча Аймактык бюродо программалар боюнча адис жана башкаруу Бюросунда башкаруу боюнча адис болгон. Айым Соловьева өзүнүн эмгек карьерасын Лаосто БУУӨПтүн кичи гранттар программасынын координатору, ошол өлкөдөгү Бириккен Улуттар Уюмунун туруктуу Координаторунун кеңсесинин башчысы кызматтарынан баштаган, мындан сырткары БУУӨПтүн аймактардагы Ыктыярчысы болуп иштеген.

Соловьева АКШнын Денвердеги Колорадо университетинин мамлекеттик башкаруу магистрдик даражасына, Москва мамлекеттик университетинин, Азия жана Африка өлкөлөрүнүн институтунун чыгыш таануу магистрдик даражасына, чыгыш таануу жана Африкалык изилдөөлөр бакалавр даражасына ээ. Орус, англис, француз, тай жана лаос тилдеринде эркин сүйлөйт.

Айдай Курманова 2019-жылдын 2-февралында Борбор Азиядагы Алматыдагы кеңсесинин башчысы болуп дайындалды. Анын туруктуу өнүгүү жаатында 21 жылдык тажрыйбасы бар. ЮНЕПке киргенге чейин, беш жыл бою Кыргыз Республикасынын Экономика министрлигинин статс-катчысы болуп иштеген. Анын негизги адистиги туруктуу экономикалык өнүгүү боюнча саясатты иштеп чыгуу жана жүзөгө ашыруу болуп саналат. Жашыл экономика, электрондук башкаруу, чакан жана орто ишкердик боюнча стратегиялык документтерди иштеп чыккан.

Айдай Курманова Кыргыз Республикасында туруктуу өнүгүү максаттарын улутташтыруу процессин жетектеген. Кыргыз Республикасынын парламенти менен ишкердик чөйрөсүн жакшыртуу жаатында олуттуу практикалык иш тажрыйбасы бар жана экономикалык өсүш жөнүндө мыйзам долбоорлорун илгерилеткен. Япониянын Эл аралык университетинин Өнүгүү экономикасы жана Кыргыз Республикасынын Президентине караштуу Башкаруу Академиясынын Мамлекеттик башкаруу боюнча магистр даражасына ээ.

Андрей Селезнев мырза БУУ БКБнын Кыргыз Республикасындагы Программалык Кеңсесинин башчысы катары өз милдеттерин аткарууга 2018-жылы киришкен.
Ал лидерлик жана башкаруу, кылмыштуулукка, баңгизаттарды мыйзамсыз жүгүртүүгө, терроризмге каршы күрөш чөйрөлөрүндө 25 жылдан ашык тажрыйбага жана ошондой эле Кыргызстан жана Борбор Азия аймагы тууралуу терең билимге ээ.
БУУ БКБга дайындалганга чейин, Андрей Селезнев мырза Орусия Федерациясынын каржылык мониторинг боюнча Федералдык кызматында (каржылык чалгындоо) бөлүм башчы кызматын ээлеген, 2012-жылы кылмыштуу кирешелерди адалдоого жана терроризмди каржылоого каршы аракеттенүү боюнча Евразия тобунун (ЕАТ) Аткаруучу катчысынын орун басары болуп дайындалган. Бул кызматта Селезнев мырза Борбор Азия өлкөлөрүндө кылмыштуу кирешелерди адалдоого жана терроризмди каржылоого каршы аракеттенүүдө (АА/ТККА) улуттук режимдерди күчтөндүрүүгө активдүү катышкан. Ал он жылдан ашык өмүрүн АА/ТККА чөйрөсүндөгү ишмердиги аркылуу коррупция менен күрөшүүгө арнаган.
Селезнев мырза Борбор Азия мамлекеттеринин АА/ТККА эл аралык стандарттарына дал келүүсүн баалоо, анын ичинде Казакстан менен Кыргызстандын өз ара баалоосу боюнча бир нече обзордук программаларды жетектеген. Ошондой эле ЕАТдын БУУ КТК, БУУ БКБ, ЕККУ, ЖККУ, ШКУ АТС, КМШ АТБ менен кылмыштуулук жана терроризмге каршы күрөшүү ишин координациялаган.
Буга чейин Селезнев мырза эмгек жолунун бардыгында аймактагы кризистик/чукул кырдаалдарга жооп кылуу чөйрөсүндө эмгектенген. 1999-жылдан 2001-жылга чейин ал БУУнун Коопсуздук Кеңешинин 1244 резолюциясынын негизинде Косовонун* аймагында тынчтыкты сактоо операциясына катышкан.
Селезнев мырза Орусия мамлекеттик социалдык университетинде адамдык ресурстарды башкарууну изилдеген жана социология, социалдык башкаруу боюнча магистр даражасына ээ болгон. Ошондой эле ал Н.Бауман атындагы Москва мамлекеттик техникалык университетинде долбоорлор менен башкаруу жаатында кошумча билим алган.

Бермет Молдобаева Миграция боюнча эл аралык уюмда (МЭУ) эмгек жолун 2001-жылы консультант катары баштаган жана эмгек жолун МЭУда андан ары улаган. 2002-жылдан баштап ал Кыргыз Республикасындагы МЭУнун кеңсесинин башчысынын милдетин аткарат, ал эми 2010-жылдан баштап кошумча Борбор Азиядагы адамдарды сатууга каршы күрөшүү программасы боюнча аймактын координатордун милдетин аткарат.

Доктор Амир Пирич 2004-жылдан бери ЮНЕСКОдо иштейт. Алгач ЮНЕСКОнун Ички көзөмөл кызматынын (IOS) курамындагы Баалоо бөлүмүнүн жетекчиси болуп иштеген, кийинчерээк Германиянын Гамбург шаарындагы ЮНЕСКОнун Өмүр бою билим берүү институтунда башкы программа координатору кызматын аркалаган. 2024-жылдын июнь айынан тартып доктор Пирич Алматы шаарындагы ЮНЕСКОнун Регионалдык кеңсесинин директору болуп дайындалган.

ЮНЕСКОго кошулганга чейин доктор Пирич ар кандай мекемелерде иштеген, анын ичинде 2004-жылы Осло шаарында жайгашкан Инновациялар боюнча Түндүк институтунда жана 1996–2004-жылдары Жаңы Зеландия Өкмөтүндө эмгектенген. Ал Даниянын Роскилле университетинен Коомдук башкаруу боюнча докторлук (PhD) даражасына жана Европа коомдору, илим жана технология боюнча магистр даражасына ээ.

Доктор Пирич эки жарандыкка ээ — Жаңы Зеландия жана Сербия.

ЮНЕСКОнун Алматы шаарындагы Регионалдык кеңсеси
Байзаков көчөсү, 303-үй
A15E3A7, Алматы шаары, Казакстан
Тел.: +7 (7272) 58 26 43
Эл. почта: almaty@unesco.org

Доктор Ганболд Баасанжав Бириккен Улуттар Уюмунун Азия жана Тынч океан үчүн Экономикалык жана социалдык комиссиясынын (ЭСКАТО) Түндүк жана Борбор Азия боюнча Субрегионалдык кеңсесинин жетекчисинин милдетин аткаруучу болуп саналат. Ошону менен катар ал Корея Республикасынын Инчхон шаарында жайгашкан ЭСКАТОнуң Чыгыш жана Түндүк-Чыгыш Азия боюнча Субрегионалдык кеңсесинин жетекчиси кызматын да аркалап келет.

ЭСКАТОго чейин доктор Ганболд Монголия Өкмөтүндө узак жылдар бою иштеп, өлкөнүн Тышкы иштер министрлигинде жана чет өлкөлөрдө дипломатиялык кызматтарды аркалаган. Акыркы жолу ал Монголиянын Тышкы иштер министрлигинде Туруктуу өнүгүү боюнча атайын тапшырмалар боюнча элчи (2018–2019) болуп иштеген.

Буга чейин ал Монголиянын Корея Республикасындагы Элчиси (2013–2018), Монголиянын Тышкы иштер министрлигинин Азия жана Тынч океан департаментинин башкы директору (2008–2013), ошондой эле Монголиянын Вьетнамдагы Элчиси (2004–2008) болуп кызмат өтөгөн.

Мындан тышкары, доктор Ганболд Монголиянын Тышкы иштер министрлигинин Мамлекеттик катчысы (2001–2003) жана Монголиянын Тышкы байланыштар министрлигинин Коомчулук менен байланыш департаментинин башкы директору (1998–2000) кызматтарын аркалаган. Анын эмгек жолунун алгачкы баскычтарында КЭДРдин Пхеньян шаарындагы Монголиянын элчилигинде дипломатиялык кызматта иштеген (1989–1993).

Ошондой эле ал Монголиянын Улуттук университетинин Тышкы кызмат мектебиндеги Эл аралык мамилелер кафедрасында жарым-жартылай окутуучу жана кафедранын деканы болуп иштеген (1997–2001).

Доктор Ганболд англис, корей жана орус тилдерин эркин билет. Ал Россиядагы Москва мамлекеттик эл аралык мамилелер институтунан (МГИМО) Эл аралык мамилелер багыты боюнча бакалавр даражасын, АКШдагы Гавайи университетинин Маноа кампусунан Саясат таануу боюнча магистр даражасын жана Корея Республикасындагы Хангук чет тилдер университетинен Укук боюнча доктор даражасын алган.

Үй-бүлөлүү, төрт баланын атасы.

Учурдагы кызмат ордуна чейин доктор Ливиу ДСУнун штаб-квартирасында Өзгөчө кырдаалдарга даярдык жана чара көрүү (WHE) программасы бөлүмүн (2020–2023) жетектеген, ал симуляциялык окууларды жана өзгөчө кырдаалдарда чара көрүү боюнча серептерди уюштурган. Буга чейин доктор Ливиу ДСУнун Мьянмадагы (2013–2014-жж.), Сьерра-Леонедеги (2014–2015-жж.) жана Таиланддагы (2014–2020-жж.) өкүлчүлүктөрүндө иштеген.
Доктор Ведраско COVID-19 пандемиясы башталгандан тартып, 2020-жылы бою Бангкокто Азия-Тынч океан аймагында COVID-19 боюнча координатор болуп иштеген. Сьерра-Леонеде Эбола эпидемиясы күч алып турган учурда (11/2014-03/2015), доктор Ведраско Эбола тумоосу эпидемиясын токтотууга жардам берген өзгөчө кырдаалдарга чара көрүү боюнча ДСУнун операциясын жетектеген.
Дүйнөлүк саламаттык сактоо уюмунда иштеп баштаганга чейин, доктор Ливиу БУУнун агенттиктеринде, кайрымдуулук уюмдарында жана бейөкмөт уюмдарда жетекчилик кызматтарда, т.а., Колумбия округундагы пандемияга даярдык боюнча USAID «PREPARE» долбоорунун жетекчиси (2009-2011); БУУнун Гуманитардык маселелерди координациялоо боюнча башкармалыгынын алдындагы пандемияга даярдык боюнча БУУнун кеңешчиси, Дакар (2007-2009-жылдар); Эл аралык куткаруу комитетинин саламаттык сактоо маселелери боюнча кеңешчиси, Таиланд (2004-2007); Эл аралык медициналык корпустун (Medical Corps) өлкө директору, Грузия (2002-2004); Борбордук жана Чыгыш Европа өлкөлөрү боюнча «Carelift International» компаниясынын регионалдык директору, Пенсильвания, АКШ (1999-2001-жж.) жана «Ачык коом» фондунун программалык директору, Молдова (1994-1997-жж.) болуп эмгектенген.
Доктор Вердаско Джонс Хопкинс коомдук саламаттык сактоо мектебинен коомдук саламаттык сактоо боюнча магистрлик даражасын (1999) жана Молдова мамлекеттик медицина жана фармация университетинен (1996) медицина доктору даражасын жактаган. Эне тили болгон румын тилинен тышкары англис, орус жана француз тилдеринде эркин сүйлөйт.

Доктор Сайед Садик гендердик теңчилик, адам укуктары, калк жана өнүгүү багытындагы программаларды башкаруу жана глобалдык саясат маселелери боюнча Бириккен Улуттар Уюмунун жогорку кызматтарында 20 жылдан ашык тажрыйбага ээ. Ал «БУУнун Аялдар» түзүмү негизделгенден бери иштеп келе жатат жана андан бери Түштүк Африканын Регионалдык кеңсесинде Регионалдык программа директорунун орун басары, Ирактагы Өкүл, Ооганстан боюнча директордун орун басары, Чыгыш жана Түштүк Африкадагы БУУнун Аялдар түзүмүнүн (ESARO) регионалдык бөлүмүнүн «Аялдарга жана кыздарга карата зомбулукту жоюу» программасынын Регионалдык менеджери кызматтарын аркалаган, ошондой эле ЕБ тарабынан каржыланган региондогу «Теӊдик Нуру» (Spotlight Initiative Stream 1) демилгесин жетектеген жана акыркы учурда Сомалидеги БУУнун Аялдар түзүмүнүн Өлкө программасынын менеджери болуп эмгектенген. Мындан тышкары, Сайед
Садик Бириккен Улуттар Уюмунда (БУУ АУЖКБ жана ЮНФПА) Эфиопия, Эритрея, Чыгыш Тимор, Индия, Либерия жана Суданда ар кандай кызматтарды аркалаган. Ал Индиянын Өкмөтүнүн Аялдар боюнча Улуттук Комиссиясында иштеген, Индиянын Юридикалык Институтунун окутуучусу, Кларк университетинде стипендиант болгон жана Гарвард Кеннеди Мамлекеттик башкаруу мектебинде (АКШ) илимий макала даярдоого катышкан.

Сайед Садик 1997-жылы иштелип чыккан «Гендердик зомбулукка каршы күрөшүүнүн макулдашылган ыкмасынын» жактоочусу жана аялдардын укуктарын коргоого кошкон салымы үчүн эл аралык жана улуттук деңгээлдеги сыйлыктарга ээ болгон. Адам укуктары жана гендердик маселелер боюнча бир нече басылмалардын автору. Эл аралык адам укуктары боюнча магистр жана Аялдардын укуктары багытында PhD илимий даражасына ээ. Ал Индиянын жараны.

Индира Кадырканова экономика боюнча магистр илимий даражасына (Texas A&M University, АКШ), MBA (Кыргыз Республикасынын Президентине караштуу Мамлекеттик Башкаруу Академиясы), жогорку юридикалык билимине (Кыргыз мамлекеттик юридикалык академиясы), жогорку матемакалык билимине (Кыргыз мамлекеттик университети) ээ. Дүйнөлүк банктын, Азия өнүктүрүү банктын, USAID, SECO, ЕБ, БУУ агенстволорунун долбоорлорунда иш алып барган. Kаржы, айыл чарба, соода, гендердик теңчилик сыяктуу Кыргызстандын экономикаcынын ар түрдүү тармактарындагы өнүктүрүү программаларынын долбоорлорун башкаруу боюнча жыйырма жылдан ашык тажрыйбасы бар.

Жапониянын жараны Кожиро Накай БУУнун Дүйнөлүк азык-түлүк программасында жыйырма жылдан ашуун иш тажрыйбасына ээ. Кыргыз Республикасына келерден мурун, Накай мырза Бангладештеги Кокс-Базар качкындар лагеринде Өзгөчө кырдаалдар боюнча координатордун орун басары болуп эмгектенген. Накай мырза БУУ ДАТПда бир нече жетекчилик кызматтарды аркалаган, анын ичинде Пакистан, Судан жана Мьянмада кеңсе башчысы болуп иштеген, ошондой эле уюмдун Рим шаарындагы башкы кеңсесинде жана Йоханнесбургдагы регионалдык бюродо донорлор менен байланыш кызматкери болгон, ал эми Токиодо байланыш бөлүмүндө эмгектенген. 2001-жылы БУУ ДАТПда ишин баштаганча чейин, Накай мырза Жапонияда жеке сектордо иштеген жана Жапониянын Кытайдагы элчилигинде кызматтанган. Накай мырза АКШдагы Питтсбург университетинен Коом жана эл аралык мамиле боюнча магистр даражасына ээ. Үй-бүлөлүү, эки кыздын атасы.

Махир Сафарли мырза 2026-жылдын 1-январынан тартып БУУнун Качкындар иши боюнча Жогорку комиссарынын башкармалыгынын (UNHCR) Борбор Азия боюнча Өкүлү катары өз милдетин аткара баштады. Ал UNHCRдын Казакстандагы, Кыргыз Республикасындагы, Тажикстандагы, Түркмөнстандагы жана Өзбекстандагы ишмердүүлүгүн жетектеп, көзөмөлдөйт.

Махир Сафарли мырза UNHCR системасында гуманитардык чөйрөдө 23 жылдан ашуун тажрыйбага ээ. Ал татаал гуманитардык кризистердин жана өзгөчө кырдаалдардын шарттарында жетекчилик кызматтарды аркалап келген. Учурдагы кызматка дайындалганга чейин ал Грециядагы Өкүлдүн орун басары (2023–2025-жж.) жана Украинадагы Өкүлдүн орун басары (2021 – 2023-жылдын май айына чейин) болуп иштеген. Мындан мурда Сирияда жана Түркияда улук операциялык жана координациялык кызматтарды аткарган.

Кесиптик жолунун алгачкы баскычтарында Махир Сафарли мырза Афганистанда, Ливияда, Украинада, Кыргыз Республикасында, Либерияда жана Азербайжандагы UNHCR операцияларында талаа, укуктук жана башкаруу багыттарындагы ар түрдүү кызматтарда иштеген.

Ошондой эле ал Женева шаарындагы UNHCRдын штаб-квартирасында Башкы инспектордун башкармалыгында (IGO) 2016–2019-жылдары эмгектенип, инспекциялык ишмердүүлүк жана стратегиялык көзөмөл маселелери менен алектенген. Махир Сафарли укук боюнча магистр даражасына (LL.M.), мамлекеттик башкаруу боюнча магистр даражасына жана саясий илимдер боюнча бакалавр даражасына ээ.

Мирлан Мамыров - 2015-жылдын сентябрынан бери Кыргызстандагы БУУнун Борбордук Азия үчүн Превентивдүү дипломатия боюнча Регионалдык борборунун өкүлү, жана диалогго, медиацияга жана адам укуктарына басым жасоо менен тынчтык орнотуу, чыр-чатактарды алдын алуу жана саясий талдоо жаатында иштейт. Бул дайындоого чейин Мирлан Мамыров Кыргыз Республикасындагы Тынчтыкты куруу фондунун Катчылыгынын Долбоорунун менеджери болуп иштеген, ошондой эле Кыргыз Республикасынын Тышкы иштер министрлигинде (1999-2001), ЕККУнун Хорватиядагы миссиясында (2001-2003) жана БУУнун системасында (2003-2017) профессионалдуу иш тажрыйбасына ээ.

Наталья Алонсо Кано айым — БУУнун Кырсыктардын тобокелдигин азайтуу боюнча башкармалыгынын (UNDRR) Европа жана Борбордук Азия боюнча аймактык кеңсесинин (ROECA) жетекчиси.

Алонсо Кано айым UNDRR уюмуна Европа жана Борбордук Азия боюнча аймактык кеңсенин жетекчиси катары кошулуп, эл аралык өнүгүү жана өнөктөштүк жаатындагы 25 жылдан ашуун кесиптик тажрыйбасын алып келди.

Агроном-инженер адистигине ээ болгон Алонсо Кано айым тогуз жыл чет өлкөлөрдө, негизинен Индияда жана Доминикан Республикасында иштеп, Европа Биримдигинде жана башка уюмдарда жаратылыш ресурстарын башкаруу, кырсыктарды башкаруу жана аларга даярдык көрүү багыттарында эмгектенген.

Бул кызматка келгенге чейин Алонсо Кано айым UNICEFтин Европа Биримдигиндеги кеңсесинде улук кеңешчи болуп иштеп, балдардын укуктарын Европа Биримдигинин саясатына жана практикалык ишмердигине интеграциялоо, ошондой эле балдар жана жаштар үчүн оң натыйжаларга жетишүүгө багытталган өнөктөштүктөрдү бекемдөө иштерин жетектеген.

Буга чейин Брюсселде бир катар жетекчилик кызматтарды аркалаган. Атап айтканда, Oxfam International эл аралык уюмунда директордун орун басары болуп иштеп, климаттын өзгөрүшүнө жана теңсиздикке каршы Европа Биримдигинин дымактуу чараларын илгерилетүүдө маанилүү роль ойногон. Ошондой эле өнүгүү, гуманитардык жардам жана өнөктөштүк багыттарындагы татаал программаларды башкарган.

Мындан мурда Plan International жана Amnesty International уюмдарында башкаруу, адвокация жана стратегиялык коммуникациялар боюнча жетекчилик кызматтарда иштеген. Анын техникалык тажрыйбасы корпоративдик инженерия секторундагы ишмердигинин жүрүшүндө калыптанган.

Испаниянын жараны Алонсо Кано айым Мадрид университетинин инженердик даражасына ээ.

Олег Гучгельдыев климаттын өзгөрүшү, экологиялык стратегиялык пландоо жана биологиялык ар түрдүүлүктү сактоо сыяктуу тармактарда чоң тажрыйбасы бар жогорку кесипкөй адис. Ал ФАОдогу ишин 2016-жылы Борбор Азияда жана Түркияда жерди туруктуу башкаруу боюнча масштабдуу долбоорду иштеп чыгуу боюнча аймактык координатор катары баштаган. 2018-жылдан бери ФАОнун Тажикстандагы кеңсесин жетектеп келген.



Түркмөнстандын жараны Олег Гучгельдыев ФАОго келгенге чейин ар кандай эл аралык финансы институттары жана өнүктүрүү агенттиктери, анын ичинде Дүйнөлүк банк, Бириккен Улуттар Уюмунун Өнүктүрүү программасы, Бириккен Улуттар Уюмунун Айлана-чөйрөнү коргоо программасы, Эл аралык кызматташтык боюнча Германия коому жана Евробиримдиктин Техникалык жардам көрсөтүү уюмунун Көз карандысыз Мамлекеттер Шериктештигинин программасы менен иштешкен.

Анын Борбор Азияда жана Каспий деңизинин аймагында чоң тажрыйбасы бар. Анын техникалык экспертизасы экосистемалык кызматтарды экономикалык баалоого, потенциалды жогорулатууга, стратегиялык пландаштырууга жана айыл чарбасын өнүктүрүүгө байланышкан маселелерди камтыйт. Олег Гучгельдыев экономиканы мамлекеттик башкаруу боюнча магистратуралык даражасы бар.

Сэмман Жунг Тапа мырза кошулду 2024-жылдын апрелинен тарта ЮНИСЕФтин Кыргыз Республикасындагы Өкүлү
Бул дайындоого чейин Самман Ж.Тапа мырза 2019-жылдын июль айынан бери
Иорданиянын Амман шаарында жайгашкан Жакынкы Чыгыш жана Түндүк Африка
(MENA) аймагында ЮНИСЕФтин Cоциалдык саясат жана социалдык коргоо боюнча
кеңешчиси болуп иштеген.

Бул ролдо ал 20 өлкөнү камтыган ЮНИСЕФтин гуманитардык жооп, ошондой эле улуттук
системаларды бекемдөө тармагындагы балдар жакырчылыгы, социалдык коргоо жана
мамлекеттик финансы боюнча регионалдык программаларынын жетектеп келген.

Самман Ж. Тапа 2008-жылы Чыгыш Азия жана Тынч океан аймагындагы үй-бүлөлөргө
жана балдарга глобалдык экономикалык кризистин таасирине ЮНИСЕФтин жообун
түзүүгө көмөк көрсөтүү үчүн ЮНИСЕФке социалдык жана экономикалык саясат боюнча
аналитик катары кошулган. Андан кийин ал Камбоджада жана Вьетнамда улуттук жана
субулуттук деңгээлдеги социалдык пландаштырууну жана бюджетти бекемдөө боюнча
программаларда иштеген.

2015-жылдан 2019-жылга чейин ЮНИСЕФтин Мьянмадагы Социалдык саясат жана
балдардын укуктарынын мониторинги бөлүмүнүн башчысы болгон жана улуттук коомдук
пайдалуу системаны ишке ашыруу үчүн техникалык жардам жана потенциалды өнүктүрүү,
маалымат үчүн улуттук/субнационалдык системаларды жакшыртуу, туулгандыгын каттоо,
майыптуулукту сертификациялоо жана социалдык сектордун бюджетин бекемдөөгө
(саламаттык сактоо, билим берүү, социалдык коргоо) жооптуу болгон.

ЮНИСЕФке келгенге чейин ал Улуттук Демократиялык Институтта (NDI) жана ПРООНдо
кыска мөөнөттүү келишимдер боюнча иштеген.

Самман Ж.Тапа мырза Непалдын жараны жана эки баланын атасы. Ал Джонс Хопкинс
университетинин Эл аралык жогорку изилдөөлөр мектебинде (SAIS) Эл аралык экономика
жана эл аралык өнүгүү боюнча магистр даражасына жана Вебстер университетинде Эл
аралык мамилелер боюнча бакалавр даражасына ээ.

Тарек Абдельмонем мырза — туруктуу өнүгүү жана климаттык туруктуулук тармагында 14 жылга жакын тажрыйбасы бар эл аралык өнүгүү боюнча адис. Ал Жакынкы Чыгыш, Түндүк Африка, Европа жана Борбордук Азия аймактарында иштеген.

Эл аралык айыл чарбасын өнүктүрүү фондунда (IFAD) Тарек Абдельмонем мырза Рим шаарында жайгашкан Өнүгүүнүн натыйжалуулугу боюнча кеңседе айлана-чөйрө жана климат маселелери боюнча техникалык адис болуп иштеген. Бул кызматта ал климатка багытталган эл аралык каржылоону тартуу, IFADдын климат боюнча корпоративдик милдеттенмелеринин аткарылышын координациялоо жана долбоорлордун мониторинг системаларын күчөтүү багыттарында иш алып барган.

Буга чейин Тарек Абдельмонем мырза Каир шаарында IFADдын Жакынкы Чыгыш, Түндүк Африка, Европа жана Борбордук Азия аймагы боюнча айлана-чөйрө жана климат маселелери боюнча адиси болуп иштеген. Ал климаттын өзгөрүшү жана жаратылыш ресурстарын башкаруу маселелерин долбоорлорду иштеп чыгуу, көзөмөлдөө жана баалоо процесстерине интеграциялоого көмөктөшкөн. Ошондой эле IFADдын долбоорлору үчүн Глобалдык экологиялык фонддон (GEF), Адаптация фондунан жана Жашыл климаттык фонддон кошумча каржылоону тартууга катышып, азык-түлүк коопсуздугун бекемдөө жана айыл аймактарын өнүктүрүү багытында өкмөттөр жана өнүктүрүү боюнча өнөктөштөр менен кызматташкан.

IFADга келгенге чейин Тарек Абдельмонем мырза БУУнун Калктуу конуштар боюнча программасында (UN-Habitat) иштеп, шаарлардын туруктуулугу маселелерине басым жасаган жана араб өлкөлөрүндөгү бир катар демилгелерди жетектеген. Анын ичинде климаттын өзгөрүшүнөн улам келип чыккан суу көйгөйлөрүнө арналган жана жер которгон калкты кабыл алган шаарларга багытталган долбоорду иштеп чыгууга катышкан.

Карьерасынын алгачкы этаптарында Тарек Абдельмонем мырза Араб аймагы жана Европа үчүн айлана-чөйрө жана өнүгүү борборунда (CEDARE) изилдөө жана саясатты иштеп чыгууга колдоо көрсөтүү жаатында олуттуу тажрыйба топтогон.

Тарек Абдельмонем мырза Улуу Британиядагы Рединг университетинен айлана-чөйрө жана өнүгүү адистиги боюнча илим магистри (MSc) даражасын алган.

Тарек Абдельмонем мырза араб, англис жана италия тилдеринде сүйлөйт.

Уулкан Айдарова айым 2026-жылдын февраль айынан тартып Бириккен Улуттар Уюмунун Качкындар иштери боюнча Жогорку комиссарынын башкармалыгынын (БУУ КЖКБ) Кыргыз Республикасындагы Улуттук офисинин жетекчиси кызматын аркалап келет. Буга чейин, 2025-жылдын июль айынан 2026-жылдын январь айына чейин, аталган офистин жетекчисинин милдетин аткарган.
Айдарова айым укук, адам укуктары жана качкындарды коргоо жаатында кеңири кесиптик тажрыйбага ээ. Буга чейин ал БУУ КЖКБнын Кыргызстандагы Бишкек жана Ош шаарларындагы өкүлчүлүктөрүндө укуктук маселелер боюнча ар кандай кызматтарды аркалаган. Ошондой эле ЕККУнун Бишкектеги Программалык офисинин Адамдык өлчөм департаментинде программалар боюнча улук ассистент жана «Адилет» юридикалык клиникасында юридикалык кеңешчи болуп иштеген.
Айдарова айым Венгриянын Будапешт шаарындагы Борбордук Европа университетинде салыштырмалуу конституциялык укук адистиги боюнча укук магистри (LL.M.) даражасын алган. Ошондой эле Борбордук Азиядагы Америка университетинде эл аралык жана салыштырмалуу саясат, эл аралык коомдук укук багыттары боюнча адистешип, саясат таануу боюнча бакалавр даражасына ээ.

ЮНОПСтун Австриядагы көп өлкөлүү кеңсесинин жетекчиси катары Фрейя фон Гроте айым ЮНОПСтун Венадагы ишмердүүлүгүн, ошондой эле Борбордук Азия, Түштүк Кавказ, Түркия, Албания жана Косоводогу (1244) портфелин жетектейт.

Буга чейин ал ЮНОПСтун Өнөктөштүк жана байланыш тобунун жетекчисинин милдетин аткарган. Фрейя фон Гроте айым БУУ системасында, өкмөттөр аралык жана өкмөттүк эмес уюмдарда жетекчилик жана операциялык башкаруу багытында 25 жылдан ашык тажрыйбага ээ. Ал Европа, Жакынкы Чыгыш жана Батыш Африка сыяктуу ар түрдүү аймактарда иштеп, өнүктүрүү, гуманитардык ишмердүүлүк жана өнөктөштүк боюнча татаал портфелдерди башкарган.

Германияда туулган фон Гроте айым Уэльстеги Аберистуит университетинен эл аралык саясат боюнча магистр даражасын, ошондой эле Дублиндеги Тринити-колледжден орус тили жана тарых боюнча артыкчылык менен бакалавр даражасын алган.

Чинве Огбонна айымдын глобалдык, регионалдык жана улуттук деңгээлдерде 20 жылдан ашуун тажрыйбасы бар. Ал адаптивдик лидерлик, өкмөттөр аралык мамилелер жана жогорку натыйжаларга жетүү үчүн стратегиялык өнөктөштүктөр багытында адис. Бул дайындоого чейин ал ЮНФПАнын Чыгыш жана Түштүк Африка региону боюнча (ESARO) Региондук директорунун орун басары болуп иштеген. Ошондой эле Эритреядагы Өлкөлүк директордун милдетин аткаруучу жана ESAROнун орто кирешелүү өлкөлөргө техникалык колдоо көрсөтүү борборунун башчысы болгон. Мурда ЮНФПАда Замбиядагы Өкүлдүн орун басары, Саламаттыкты сактоо системаларын чыңдоо боюнча Өкүлдүн жардамчысы жана Нигериядагы өлкөлүк кеңседе саламаттыкты сактоо экономикасы боюнча программалык адис болуп иштеген.
ЮНФПАга чейин Огбонна айым Дүйнөлүк саламаттыкты сактоо уюмунда (ВОЗ) Эфиопияда иштеген, АКШнын Ооруларды көзөмөлдөө жана алдын алуу борборлору (CDC) аркылуу жиберилген, ошондой эле Family Health International, USAID жана Нигерия өкмөтүндө иштеген.
Чинве Огбонна айым Нигериянын жараны жана фармация боюнча дипломго ээ. Ал Лондон гигиена жана тропикалык медицина мектебинен жана Лондон университетинен саламаттыкты сактоо тутумдарын башкаруу боюнча магистр даражасын алган. Анын адистиги саламаттыкты сактоонун экономикасы жана каржылоосу жаатында. Ошондой эле ал Эдинбургдагы Квин Маргарет университети жана Дүйнөлүк банк институтунан өнүгүп келе жаткан экономикалардагы туруктуу каржылоо боюнча кошумча квалификацияларга ээ. Чинве Огбонна 2013-жылы Рокфеллер фонду тарабынан социалдык инновациялар боюнча Глобалдык лидерлик программасынын стипендиаты болгон.

Эннио Боати мырза 2002-жылдан бери Бириккен Улуттар Уюмунун Адам укуктары боюнча Жогорку комиссарынын башкармалыгында (БУУ АУЖКБ) иштеп, адам укуктары, гуманитардык ишмердүүлүк жана тышкы байланыштар багыттарында штаб-квартирада, ошондой эле Азия, Африка, Латын Америкасы жана Европадагы талаа операцияларында ар кандай кызматтарды аркалап келген. 2026-жылдын март айынан тартып ал Бишкек шаарында жайгашкан БУУ АУЖКБнын Борбордук Азия боюнча Регионалдык өкүлчүлүгүндө Регионалдык өкүлдүн орун басары жана жетекчинин милдетин аткаруучу болуп иштейт.

Бул дайындоого чейин Боати мырза Бангкок шаарындагы БУУ АУЖКБнын Түштүк-Чыгыш Азия боюнча Регионалдык өкүлчүлүгүндө иштеп, кеңири Азия-Тынч океан аймагы үчүн жогорку деңгээлдеги стратегиялык, программалык жана ресурстарды мобилизациялоо боюнча колдоо көрсөткөн. Буга чейин ал Борбордук Азия боюнча Регионалдык өкүлдүн орун басарынын милдетин да кыска мөөнөткө аткарган. Карьерасынын алгачкы этаптарында Женевада Бириккен Улуттар Уюмунун адам укуктары боюнча механизмдери, гуманитардык фонддор жана донорлор менен байланыштар багытында иштеп, ошондой эле татаал операциялык шарттарда адам укуктарына мониторинг жүргүзүүгө, иликтөө комиссияларынын ишине жана талаадагы өкүлчүлүктөрдү түзүүгө колдоо көрсөткөн бир катар ыкчам жооп кайтаруу миссияларына катышкан.

Италияда туулган Боати мырза БУУдагы карьерасын БУУнун Качкындар иштери боюнча Жогорку комиссарынын башкармалыгында (БУУ КЖКБ) Косово жана Түндүк Македонияда баштап, Балкан аймагындагы гуманитардык операциялар боюнча иштеген. Кийинчерээк ал саясий маселелер багыты боюнча Улуттук конкурстук экзаменден ийгиликтүү өткөндөн кийин Бириккен Улуттар Уюмунун Катчылыгына кошулган.

Боати мырза гуманитардык жардам жана адам укуктары, ошондой эле европалык саясий жана административдик изилдөөлөр боюнча дипломдон кийинки билимге ээ. Мындан тышкары, ал эл аралык жана дипломатиялык мамилелер, ошондой эле экономика жана башкаруу багыттары боюнча жогорку билим алган.