Биздин Кыргыз Республикасындагы команда

Граве айым БУУда жана башка эл аралык жана эки тараптуу уюмдарда чогулган эл аралык кызматташуу, туруктуу өнүгүү,тынчтык жана коопсуздук боюнча 20 жылдан ашык тажрыйбасын алып келет.

БУУнун Туруктуу координатору болуп дайындалганга чейин Граве айым Европадагы Коопсуздук жана Кызматташтык Уюмунун (ЕККУ) Украинадагы Атайын байкоочу миссиясында үч жарым жыл кызмат өтөгөн. Башында миссиянын ишин жетектеген башкы байкоочунун орун басары катары, адам укуктары, гендер, айлана-чөйрө жана диалогго көмөктөшүү боюнча иш алып барып, ал эми 2022-жылдын апрелинен тарта Миссиянын башчысынын милдетин аткаруучу катары иштеген.

Ага чейин ал Афганистанда, Гаитиде БУУнун Саясий жана тынчтык операцияларында жана Башкы катчынын Йемен боюнча атайын өкүлүнүн кеңсесинде (OSESGY) ар кандай жетекчилик жана улук кеңешчи кызматтарда иштеген. Афганистанда БУУнун жардам берүү миссиясынын (UNAMA) Гераттагы Аймактык кеңсесин жетектеген жана Миссиянын Талдоо жана пландаштыруу бөлүмүнүн башчысы болгон. Башкы катчынын Йемен боюнча атайын өкүлүнүн кеңсесинде ал Башкы катчынын атайын өкүлүнө жана БУУнун Гаитидеги стабилдештирүү миссиясынын башчысына (MINUSTAH) улук атайын жардамчы катары кеңеш бергенден кийин төрт жылга жакын убакыт бою Тынчтыкты куруу боюнча улук офицер болуп иштеген.

Граве айым Германиянын Пакистандагы элчилигинде Экономикалык кызматташтык жана өнүгүү боюнча кеңешчи катары жана Германиянын Федералдык экономикалык кызматташтык жана өнүктүрүү министрлигинин (BMZ) Бонндогу Афганистан боюнча кызматкери катары да иштеген. Андан тышкары, Германиянын Эл аралык кызматташтык коомунун (GIZ) штаб-квартирасында жана анын Афганистандагы өкүлчүлүгүндө кызматтарды аркалаган.

Антье Граве айым Германиянын Триер шаарындагы университетте саясат таануу жана тарых боюнча магистр даражасына ээ. Ошондой эле, ал Франциянын Бордо шаарындагы Саясий институттун саясат таануу боюнча сертификатына ээ жана Польшанын Краков жана Варшава университеттеринде окуган.

Айдай Курманова 2019-жылдын 2-февралында Борбор Азиядагы Алматыдагы кеңсесинин башчысы болуп дайындалды. Анын туруктуу өнүгүү жаатында 21 жылдык тажрыйбасы бар. ЮНЕПке киргенге чейин, беш жыл бою Кыргыз Республикасынын Экономика министрлигинин статс-катчысы болуп иштеген. Анын негизги адистиги туруктуу экономикалык өнүгүү боюнча саясатты иштеп чыгуу жана жүзөгө ашыруу болуп саналат. Жашыл экономика, электрондук башкаруу, чакан жана орто ишкердик боюнча стратегиялык документтерди иштеп чыккан.

Айдай Курманова Кыргыз Республикасында туруктуу өнүгүү максаттарын улутташтыруу процессин жетектеген. Кыргыз Республикасынын парламенти менен ишкердик чөйрөсүн жакшыртуу жаатында олуттуу практикалык иш тажрыйбасы бар жана экономикалык өсүш жөнүндө мыйзам долбоорлорун илгерилеткен. Япониянын Эл аралык университетинин Өнүгүү экономикасы жана Кыргыз Республикасынын Президентине караштуу Башкаруу Академиясынын Мамлекеттик башкаруу боюнча магистр даражасына ээ.

Бермет Молдобаева Миграция боюнча эл аралык уюмда (МЭУ) эмгек жолун 2001-жылы консультант катары баштаган жана эмгек жолун МЭУда андан ары улаган. 2002-жылдан баштап ал Кыргыз Республикасындагы МЭУнун кеңсесинин башчысынын милдетин аткарат, ал эми 2010-жылдан баштап кошумча Борбор Азиядагы адамдарды сатууга каршы күрөшүү программасы боюнча аймактын координатордун милдетин аткарат.

Молдованын жараны Виорел Гуцу ФАОнун Борбордук Азия боюнча субрегиондук координаторунун жана ФАОнун Түркия менен Өзбекстандагы өкүлүнүн милдетин аткаруучусу. Ал 2014-жылы ФАОго Тажикстандагы ФАОнун Өкүлчүлүгүнүн башчысы катары кошулуп, өлкөнүн офисинин улуттук өкмөт жана негизги донорлор, анын ичинде Европа Биримдиги жана Япониянын Эл аралык кызматташтык агенттиги менен жемиштүү мамилесин түзүү иштерин жетектеген. ФАОго киргенге чейин Гуцу Молдова Республикасынын Айыл чарба жана тамак-аш өнөр жай министринин орун басары болуп иштеген. Бул кызматта ал айыл чарба жана айылды өнүктүрүү жаатындагы стратегиялык саясаттын багыттарын координациялоо, мониторинг жүргүзүү жана иштеп чыгуу үчүн жооптуу болгон. Гуцу ошондой эле Бириккен Улуттар Уюмунун Чыгыш Тимордогу Убактылуу администрациясында экономика боюнча офицер болуп иштеген, ал жерде тынчтык орнотуу операцияларына, жакырчылыкты жоюуга жана кырсыктардын алдын алуу иштерин жүргүзгөн. Экономика илимдеринин доктору.

Индира Кадырканова экономика боюнча магистр илимий даражасына (Texas A&M University, АКШ), MBA (Кыргыз Республикасынын Президентине караштуу Мамлекеттик Башкаруу Академиясы), жогорку юридикалык билимине (Кыргыз мамлекеттик юридикалык академиясы), жогорку матемакалык билимине (Кыргыз мамлекеттик университети) ээ. Дүйнөлүк банктын, Азия өнүктүрүү банктын, USAID, SECO, ЕБ, БУУ агенстволорунун долбоорлорунда иш алып барган. Kаржы, айыл чарба, соода, гендердик теңчилик сыяктуу Кыргызстандын экономикаcынын ар түрдүү тармактарындагы өнүктүрүү программаларынын долбоорлорун башкаруу боюнча жыйырма жылдан ашык тажрыйбасы бар.

Жапониянын жараны Кожиро Накай БУУнун Дүйнөлүк азык-түлүк программасында жыйырма жылдан ашуун иш тажрыйбасына ээ. Кыргыз Республикасына келерден мурун, Накай мырза Бангладештеги Кокс-Базар качкындар лагеринде Өзгөчө кырдаалдар боюнча координатордун орун басары болуп эмгектенген. Накай мырза БУУ ДАТПда бир нече жетекчилик кызматтарды аркалаган, анын ичинде Пакистан, Судан жана Мьянмада кеңсе башчысы болуп иштеген, ошондой эле уюмдун Рим шаарындагы башкы кеңсесинде жана Йоханнесбургдагы регионалдык бюродо донорлор менен байланыш кызматкери болгон, ал эми Токиодо байланыш бөлүмүндө эмгектенген. 2001-жылы БУУ ДАТПда ишин баштаганча чейин, Накай мырза Жапонияда жеке сектордо иштеген жана Жапониянын Кытайдагы элчилигинде кызматтанган. Накай мырза АКШдагы Питтсбург университетинен Коом жана эл аралык мамиле боюнча магистр даражасына ээ. Үй-бүлөлүү, эки кыздын атасы.

Кыргызстандагы ЮНИСЕФке келгенге чейин Кристин Жольм ЮНИСЕФте 18 жылдык иш тажрыйбасына ээ болгон. Ал ошондой эле Бангладеште, Нигерияда жана Чадда кызмат өтөгөн. Кристин Жольм Франциянын жараны. Ал эми анын кесиптик ишмердиги коммуникация менен байланыштуу.

Луиз Чемберлен Кыргыз Республикасындагы БУУнун Өнүктүрүү программасына 2019-жылдын май айында кошулган. Ал өзүнүн эмгек жолун 1994-жылы Инвестиция боюнча кеңешчи катары баштаган жана 1999-жылга чейин Стокгольмдо Newsec AB (JSC) компаниясында иштеген. 1999-жылы ал Палестинада долбоорлорду баалоо жана мониторинг жүргүзүү боюнча ассистент катары иштеген. Ал эми 2000-жылы мониторинг жүргүзүү жана баалоо боюнча адис катры Дүйнөлүк банкта иштеген.

2003-2008-жж. Луиза Чемберлен Коломбо, Шри-Ланкадагы БУУнун Өнүктүрүү программасынын бөлүмүндө (2003-ж. август айы жана 2005-ж.август айы) жана Найроби, Сомалидеги БУУнун Өнүктүрүү программасынын бөлүмүндө (2006-ж. март айы – 2008-ж. июль айы) өкүл-резиденттин жардамчысы катары иштеген. 2008-жылдан 2012-жылга чейин Луиза Чемберлен Танзанияда өлкө директорунун орун басары (программалар боюнча) болуп иштеген жана Танзаниядагы Дар-эс-Саламда БУУнун Өнүктүрүү программасынын бөлүмүнүн ишмердигин координациялаган.

2012-жылдан 2018-жылга чейин Луиза Чемберлен Вьетнамдагы Ха Ной шаарында (2012-ж. август айы – 2017-ж. июль айы) БУУнун Өнүктүрүү программасынын бөлүмүндө жана Эфиопияда Аддис-Абеба шаарында (2017-ж. июль айы – 2018-ж. ноябрь айы) БУУнун Өнүктүрүү программасынын бөлүмүндө өлкө директору катары иштеген. 2018-жылдын декабрь айынан 2019-жылдын май айына чейин Луиза Чемберлен Эфиопияда өкүл-резиденттин милдеттерин аткаруучу болуп иштеген жана Эфиопиядагы БУУнун Өнүктүрүү программасынын ишмердигин координациялаган. Луиза Чемберлен Швециядагы Стокгольм экономика мектебинин табигый илимдер боюнча (бизнес жана экономика) магистр даражасына ээ.

2017-жылы Магнус Магнуссон мырза ЮНЕСКОнун гуманитардык жана коомдук илимдер бөлүмүндө өнөктөштүк жана тышкы байланыштар боюнча директору болуп баштап, 2022-жылдын 1-июлунан тарта ЮНЕСКОнун Алматыдагы кластердик бюросунун директорунун милдетин аткаруучусу болуп дайындалган.

ЮНЕСКОго чейин, Eco Capacity Exchange компаниясында өнүгүп келе жаткан рыноктор жана туруктуулук боюнча вице-президент, Билл жана Мелинда Гейтс фондунун түндүк өкмөттөр менен байланыштар бөлүмүнүн башчысы, Бириккен Улуттар Уюмунун Капиталдык өнүктүрүү фондунун бизнести өнүктүрүү жана тышкы байланыштар боюнча бөлүмүнүн башчысы (UNCDF) жана Түндүк Фондунун (NDF) Африка боюнча аймактык менеджери болуп дагы эмгектенген.

Эмгек жолун алгач Швециянын Тышкы иштер министрлигинде эл аралык каржы институттарын жетектөө боюнча баштап, андан соң, Түндүк Министрлер Кеңешинде каржы, транспорт жана кызматташтык боюнча улук кеңешчи болуп эмгектенген. Ошондой эле, Стокгольмдогу UNEP/GRID Arendal программасынын кеңсенин башчысы болгон.

Теги Швециянын жараны катары Магнуссон мырза социалдык илимдер, бизнести башкаруу жана экономика жана айлана-чөйрөнү изилдөө илими боюнча билимге ээ.

Мирлан Мамыров - 2015-жылдын сентябрынан бери Кыргызстандагы БУУнун Борбордук Азия үчүн Превентивдүү дипломатия боюнча Регионалдык борборунун өкүлү, жана диалогго, медиацияга жана адам укуктарына басым жасоо менен тынчтык орнотуу, чыр-чатактарды алдын алуу жана саясий талдоо жаатында иштейт. Бул дайындоого чейин Мирлан Мамыров Кыргыз Республикасындагы Тынчтыкты куруу фондунун Катчылыгынын Долбоорунун менеджери болуп иштеген, ошондой эле Кыргыз Республикасынын Тышкы иштер министрлигинде (1999-2001), ЕККУнун Хорватиядагы миссиясында (2001-2003) жана БУУнун системасында (2003-2017) профессионалдуу иш тажрыйбасына ээ.

Мээрим Сарыбаева 2014-жылы БУУнун ВИЧ/СПИД боюнча бириккен программасынын өлкө директору катары милдетин аткарууга киришти. БУУнун ВИЧ/СПИД боюнча бириккен программасына келгенге чейин БУУнун Өнүктүрүү программасынын социалдык өнүктүрүү боюнча кластеринде иштеген жана ВИЧтин алдын алуу маселелерин тескеген. 2002-жылдан 2010-жылга чейин Мээрим Сарыбаева БУУнун Өнүктүрүү программасынын ВИЧ/СПИД боюнча программасында иштеген жана адам укуктары жана мыйзам чыгаруу тармагында ишмердигин координациялаган.

Ришард Коменда мырза АУЖК БААБдын Аймактык өкүлү болуп 2016-жылдын май айынан тартып иштейт. Бул кызматка ал БУУнун Россия Федерациясында адам укуктары боюнча Улук Кеңешчиси катары өз ишин аяктагандан кийин шайланган.
Коменда адам укуктары боюнча адвокат, ал эл аралык адам укуктары боюнча магистрлик илимий даражага (Оттава университети, Канада) жана укук таануу боюнча магистрлик илимий даражасына (Гданьск университети, Польша) ээ. Акыркы жыйырма жылда Комеда мырза адам укуктары, адамдын коопсуздугу, о.э. гендердик теңдештик маселелерин алдыга жылдыруу менен алектенип келет. Анын адистиги адам укуктарын эл аралык коргоо, эл аралык өнүгүү, тынчтык жана коомсуздук маселелерин, гендердик жана тынчтыкты куруу маселелерин өзүнө камтыйт.
Ал Канаданын Кызыл Крест коому, БУУнун Аялдардын кызыкчылыгы үчүн өнүктүрүү фонду (ЮНИФЕМ), Канаданын Тышкы иштер федералдык департаменти, Балтика деңизинин мамлекеттер кеңеши, БУУнун Адам укуктары боюнча Жогорку комиссарынын башкармалыгы (АУЖК) жана Тынчтыкты колдоо боюнча операциялар департамени (ТКОД) сыяктуу уюмдарда эмгектенген. Ошону менен катар, 2007-жылдын ноябрынан тартып Ришард Коменда мырза Абхазияда, Грузия Адам укуктары боюнча бюрону (БУУБГМ) жетектеген жана бул кызматта 2009-жылы уюмдун кеңсеси жабылганга чейин иштеген. Коменда 1957жылы Польшада төрөлгөн. Үй-бүлөлүү, Соня жана Александр атуу эки баланын атасы.

Ронни Линдстром мырза 2022-жылдын март айында ЮНФПАнын Казакстандагы өкүлү жана Түркмөнстан жана Кыргызстан боюнча директорунун кызматына расмий киришкен.
Линдстром мырза Чыгыш Европа жана Борбордук Азия регионуна дайындалганга чейин 2018-жылдын январынан баштап Чыгыш Тимордогу ЮНФПАнын өкүлү болуп иштеген.
Линдстром мырза эмгек жолун Борбор Азиядагы ЮНФПАда баштаган, ал жерде Өзбекстанда жайгашкан Борбор Азия республикалары үчүн программалык кызматкер болуп иштеген. Ал ошондой эле Азия-Тынч океан чөлкөмүндө жана Башкаруу кызматтары департаментинде иштеген, ал жерде башка милдеттер менен катар Контракттарды кароо боюнча комитеттин катчысы болуп иштеген. Линдстром мырза кийинчерээк ЮНФПАнын Кытайдагы өкүлүнүн орун басары болуп иштеген, ал жерден ал Дилидеги, Чыгыш Тимордогу ЮНФПАга кайтып келгенге чейин Женевадагы Башкы катчынын кеңсесинде CEB катчылыгына жөнөтүлгөн.
Швециядан келген Линдстрем мырза Дельта университетинин (АКШ) саясат таануу жана тарых илимдеринин бакалавры, Миссисипи университетинин (АКШ) саясат таануу илимдеринин магистри, университеттин саясат таануу илимдеринин магистри. Калифорния штатындагы (АКШ) жана Калифорния университетинин Riverside (АКШ) саясий илимдеринин кандидаты.

Самир Беджауи – Кыргыз Республикасындагы жана Молдова Республикасындагы Айыл-чарбаны өнүктүрүүнүн эл аралык фондунун аймактык директору. 2010-жылдан баштап Самир Беджауи туруксуз, чыр-чатактар орун алган жана кирешеси ортодон төмөн болгон өлкөлөрдө долбоорлорду башкаруу менен алектенген. Ал мамлекеттик сатып алуулар, өндүрүштүк-сатып өткөрүү байланыштарын өнүктүрүү жана фермердик уюмдарга колдоо көрсөтүү чөйрөсүндө чоң тажрыйбага ээ.

Улзийсурен Жамсран БУУнун Өнүктүрүү программасы, ЮНИФЕМ жана БУУ-Аялдар үчүн Молдовадагы, Украинадагы, Кыргызстандагы жана Казакстандагы гендердик жана аял маселелери боюнча эл аралык өнүктүрүү, стратегиялык жана башкаруу лидерлиги тармагында 20 жылдык кесиптик тажрыйбага ээ. Улзисурен Джамсран Молдовада жана Палестинада БУУ-Аялдардын Өкүлү болуп иштеген.

Буга чейин Ханс Фридрих Шоддер Сербиядагы БУУнун Качкындар боюнча Жогорку комиссарынын башкармалыгынын өкүлүнүн милдетин аткарган. Ал аралыкта бир жыл Сербиядагы БУУнун Туруктуу координаторунун убактылуу милдетин аткаруучу болуп иштеген. 2012-2015-жж. Шоддер Индиядагы БУУнун Качкындар боюнча Жогорку комиссарынын башкармалыгынын миссиясынын Башчысынын орун басары; Сириядагы кризис учурунда (2014-ж.) БУУнун Качкындар боюнча Жогорку комиссарынын башкармалыгынын өзгөчө абалдар боюнча Ага координатору жана Кыргызстандагы БУУнун Качкындар боюнча Жогорку комиссарынын башкармалыгынын Өкүлү (2008-2012-жж) болуп иштеген.

Шоддер БУУнун Качкындар боюнча Жогорку комиссарынын башкармалыгындагы эмгек жолун 1991-жылы Гонконгдо баштаган, андан кийин Вьетнамда түрдүү кызматтык милдеттерди, ОБСЕ менен БУУнун Качкындар боюнча Жогорку комиссарынын башкармалыгынын байланышы боюнча Бюронун тышкы байланыштар Ага кеңешчисинин милдетин, Украинадагы, Судандагы жана Шри-Ланкадагы (2001-2008-жж.) БУУнун Качкындар боюнча Жогорку комиссарынын башкармалыгынын укуктук маселелери боюнча Ага кеңешчисинин милдетин аткарган. Ханс Фридрих Шоддер үй-бүлөлүү, эки баланын атасы.

“Социалдык антропология жана Вьетнамды таануу” адистиги боюнча SOAS Лондон университетин (Чыгыш жана африканы изилдөөлөр мектеби) артыкчылык менен бүтүргөн.

Яцек Цукровский Австриянын Вена шаарындагы ЮНИДОнун штаб-квартирасында Европа жана Борбор Азия боюнча аймактык координациялоо бөлүмүн жетектейт.
Аймактык координациялык бөлүмгө келгенге чейин Яцек Зукровский ЮНИДОнун потенциалды өнүктүрүү институтун жетектеген. Ага чейин Яцек Цукровский Бириккен Улуттар Уюмунун Өнүктүрүү программасында (ПРООН) Миң жылдыктын өнүгүү максаттары боюнча кеңешчи жана Европа жана Көз карандысыз Мамлекеттер Шериктештигинин Регионалдык борборунун жетекчиси болуп иштеген. Ага чейин Яцек Чукровский Польшадагы Социалдык-экономикалык изилдөөлөр борборунда жана Чехиянын Илимдер академиясынын Экономикалык институтунда иштеген.