Төрөттөн кийинки кан жоготуунун алдын алуу: Бишкекте маанилүү клиникалык көрсөтмөлөр талкууга алынды

2025-жылдын 26-февралында төрөттөн кийинки кан жоготуу (ТККЖ) тууралуу клиникалык көрсөтмөлөрдүн техникалык талкуусу болуп өттү. Бул иш-чара медициналык адистерин Кыргыз Республикасындагы энелердин саламаттыгындагы олуттуу көйгөй болгон ТККЖны башкаруунун акыркы ыкмаларын талкуулоо жана тактоо үчүн чогултту.

Күн тартибине ТККЖ коркунучун азайтуу, жатындын тонусун башкаруу, кан агууну токтотуунун убактылуу ыкмалары, хирургиялык дарылоо жана шокко каршы костюмду колдонуу сыяктуу негизги темалар кирди. Адистер инфузия-трансфузия терапиясы, канды көп жоготууда анестезиологиялык тактика жана төрөттөн кийинки кан жоготууну башкаруу боюнча талкууларды жетектешти.

135 акушер-гинеколог жана анестезиолог менен бөлүшүлгөн презентацияларга ТККЖ учурунда суюктукту жана кан продуктуларын алмаштыруу стратегиялары, анын ичинде кан басымын башкаруу жана нормотермияны сактоонун маанилүүлүгү, гемодинамикалык абалды турукташтыруу үчүн убактылуу чара катары шокко каршы костюмду колдонуу жана анын пайдасы, алдын алуу стратегиялары, тобокелдик факторлорун баалоо жана ТККЖнын негизги себеби болгон жатындын атониясын дарылоо протоколдору, канды токтотуунун тез арада ыкмалары жана оор ТККЖны башкаруу үчүн хирургиялык ыкмалар, ошондой эле төрөттөн кийинки алгачкы 24 саатта  пайда болгон кан агуунун себептери, диагностикасы жана башкаруусу камтылды.

«Бул техникалык талкуу төрөттөн кийинки кан жоготууга карата жалпы ыкманы стандартташтыруу үчүн абдан маанилүү. Билим менен бөлүшүү жана көрсөтмөлөрдү тактоо менен биз бул өмүргө коркунуч туудурган татаалдашууну баштан кечирген аялдардын абалын бир топ жакшырта алабыз», - деп Кыргыз мамлекеттик медициналык академиясынын №2 акушердик жана гинекология кафедрасынын башчысы, доктор Чолпон Стакеева бөлүштү.

Бул иш-чара саламаттыкты сактоо кызматкерлеринин ортосунда билим бөлүшүүгө жана кызматташууга көмөктөшүп, ТККЖны баштан кечирген кыргызстандык аялдарга жардамдын сапатын жакшыртууга багытталган. 

Негизги басым теориялык билимди практикалык көндүмдөргө айландырууга, саламаттыкты сактоо кызматкерлеринин чыныгы клиникалык шарттарда ТТКЖны ишенимдүү жана натыйжалуу башкарууга даяр болушун камсыз кылууга багытталган.