Кыргызстан элинин COVID-19га байланышкан тажрыйбасын жана аны кабыл алуусун баалоо

COVID-19 пандемиясы бүгүнкү күндүн башкы көйгөйлөрүнүн бири болууда. Кыргызстан эмгек мигранттарынын акча которууларына көз каранды болгон жакырчылыктын салыштырмалуу жогорку деңгээлиндеги өлкө катары тез арада чечүүнү талап кылган татаал көйгөйлөргө туш болду. Кыргыз Республикасынын өкмөтү пандемияны ооздуктоого багытталган чараларды көрдү. Бирок учурдагы эпидемиологиялык кырдаал коомдук саламаттык сактоо боюнча сунуштарды так сактоо максатында калк менен дагы да тыгыз өз ара байланышты түзүүнү талап кылып жатат.

Ушул максатта Кыргыз Республикасындагы БУУ системасынын жана өнүктүрүү боюнча башка өнөктөштөрдүн колдоосу менен Өкмөт Кыргыз Республикасынын Республикалык ыкчам штабынын жалпы жетекчилиги астында Улуттук байланыш өнөктүгүн баштады.