УЛУТТУК ЫКТЫЯРДУУ СЕРЕП 2025

Кыргыз Республикасы БУУнун Экономикалык жана Социалдык Кеңешинин (ЭКОСОС) колдоосу менен өтүп жаткан Туруктуу өнүгүү боюнча Жогорку деңгээлдеги саясий форумунун (ЖДСФ) алкагында Туруктуу өнүгүү максаттарына (ТӨМ) жетүү боюнча Экинчи Улуттук ыктыярдуу баяндамасын (УЫБ) ийгиликтүү сунуштады.

Баяндаманын өзөгүн жакырчылыкты кыскартуу, социалдык коргоо тутумун модернизациялоо, адамдык капиталды өнүктүрүү, санариптештирүү, аялуу калк топторун колдоо жана туруктуу экономикалык өсүштү камсыз кылуу түзөт. Мамлекеттик кызматтарды санариптик трансформациялоо, кайра жаралуучу энергияны өнүктүрүү, билим берүү жана саламаттык сактоо кызматтарына жеткиликтүүлүктү кеңейтүү, ошондой эле гендердик теңчилик принциптерин алдыга жылдырууда жетишкен ийгиликтер белгиленди.

Мындан тышкары, баяндамада айлана-чөйрөнү коргоо, климаттык өзгөрүүлөргө ыңгайлашуу жана «жашыл экономиканы» илгерилетүү боюнча жүргүзүлүп жаткан иш-чаралар чагылдырылды. «Эч кимди артта калтырбоо» принциби мамлекеттик саясаттын бардык багыттарында негизги нук катары сакталууда.

Кыргызстан эл аралык кызматташтыкты мындан ары да чыңдоого, топтолгон тажрыйбасы менен бөлүшүүгө жана 2030-жылга чейинки Күн тартибин бардык өнөктөштөр менен биргеликте ишке ашырууну улантууга даяр экенин тастыктады.

Документтерди бул жерден жүктөп алсаңыз болот:
Voluntary National Reviews 2025, Kyrgyz Republic | High-Level Political Forum,  Цели устойчивого развития (ЦУР)