БУУ ДАТП жана Эмгек жана социалдык өнүгүү министрлиги биргелешкен программасы аркылуу Кыргызстандагы эң аялуу үй-бүлөлөрүнө 1000 тоннага жакын азык-түлүк жардамын жеткирип беришет
07 апрель 2020
Апрель айында БУУ ДАТП жана Эмгек жана социалдык өнүгүү министрлиги биргелешкен программасы аркылуу Россия Федерациясынын колдоосу менен Кыргызстандагы эң аялуу үй-бүлөлөрүнө 1000 тоннага жакын азык-түлүк жардамын жеткирип беришет. 30,500дөн ашык адам тамак-аштын негизги муктаждыктарын канааттандыруу үчүн үч айга жете турган байытылган буудай унун жана өсүмдүк майын алышат (ар бир үй-бүлөгө 150 кг буудай жана 15 литр май).
БУУ ДАТП жана Эмгек жана социалдык өнүгүү министрлиги азык-түлүк таратууну аз камсыз болгон үй-бүлүлөргө колдоо көрсөтүү боюнча мамлекеттик программасын колдоо максатында башташты. Азык-түлүк жардамы элдерге коомчулук жумуштарын аткарганы, бүтүрүлгөн жана келе жаткан, үчүн берилет.
БУУ ДАТП менен Эмгек жана социалдык өнүгүү министрлиги COVID-19 учурунда Кыргызстандын эң аялуу катмарына азык-түлүк жардам программаларын улантуусу зарыл.
БУУ ДАТП долбоор катышуучулардын, кызматкерлеринини жана өнөктөштөрүнүн ден-соолугун жана коопсуздугун сактап жергиликтүү саламаттык сактоо органдарынын сунуштарын аткарат. БУУ ДАТП тарабынан алдын-алуу чаралары көрүлүп азык-түлүк таратуу пункттарында социалдык аралык эрежелери сакталды жана бөлүштүрүү процесстерине катышкандардын баарына дезинфекциялоочу каражаттар, бет каптар жана кол каптар таратылды.
Азык-түлүк жардамын көрсөтүүдөн тышкары, Дүйнөлүк азык-түлүк программасы азык-түлүк коопсуздугунун тенденциясын анализдөө үчүн, өлкөнүн 18 базарындагы азык-түлүк коопсуздугун жана азык-түлүк бааларынын мониторингин жүргүзүүдө.
Мындай жардам өкмөттүн өтүнүчү менен 2020-жылдын 16-мартында ишке киргизилген Өзгөчө кырдаалдарга жооп кайтарууну координациялоо боюнча топтун (ӨКЖКТ) гуманитардык жооп кайтаруу боюнча биргелешкен чараларынын алкагында өзгөчө кырдаалдарга даяр турууну жана COVID-19 илдетине жооп кайтарууну камсыздоо жана эртелеп калыбына келтирүүгө даярдык көрүү максатында көрсөтүлүүдө. БУУнун Туруктуу координатору жетекчилик кылган ӨКЖКТ эртелеп калыбына келтирүү, билим берүү, азык-түлүк коопсуздугу жана логистика, саламаттык сактоо, коргоо, суу санитариясы жана гигиена жана азык-түлүккө кирбеген товарлар боюнча биргелешкен тармак боюнча алты артыкчылыктуу багытка биринчи кезекте көңүл бурат жана колдоого алат. ӨКЖКТ 2008-жылы түзүлгөн, анын ведомстволор аралык командалары министрликтердин, БУУ мекемелеринин, эл аралык жана жергиликтүү бейөкмөт уюмдарынын өкүлдөрүн жана донорлор коомчулугунун өкүлдөрүн камтыйт.
Бул демилгеге катышкан БУУ агенттиктери
Бул демилге аркылуу биз колдогон максаттар
