БУУнун Туруктуу координатору Антье Граве айымдын Эл аралык жаштар күнүн майрамдоого карата кайрылуусу

Кыргызстандагы жана дүйнө жүзүндөгү жаштардын энергиясын, чыгармачылыгын жана дараметин даңазалоо үчүн сиз менен жеке боло албаганыма өкүнүчтүү болсом да, бул майрамдык билдирүүнү жөнөтүү мен үчүн чоң сыймык. БУУнун Башкы Ассамблеясы тарабынан 1999-жылы негизделгенден бери 12-августта белгиленген Эл аралык жаштар күнү жаштардын көйгөйлөрүнө жана алардын глобалдык коомдогу маанилүү ролуна басым жасап келет.

Быйылкы Эл аралык жаштар күнү бир нече себептерден улам өзгөчө:

Быйылкы жылдын темасы “Чыкылдатуудан прогресске: Жаштардын туруктуу өнүгүүнүн санариптик жолдору” Туруктуу өнүгүү максаттарына жетүү үчүн технологияларды колдонууда жаштардын негизги ролун баса белгилейт. Кыргызстанда жана бүткүл дүйнө жүзү боюнча жаштар санариптик инструменттерди жергиликтүү жана глобалдык көйгөйлөрдү чечүү үчүн колдонуп, “чыкылдатууларды/кликтерди” прогресске айлантууда” (БУУнун Башкы катчысы Антониу Гутерриш).

Туруктуу өнүгүү максаттарынын учурдагы абалын эске алуу менен жаштардын мүмкүнчүлүктөрүн кеңейтүү абдан маанилүү. Башкы катчы айткандай, туруктуу өнүгүү максаттарга жетүү үчүн радикалдуу бурулуш талап кылынып, жаштардын мүмкүнчүлүктөрүн кеңейтүү жана алар менен тең укуктуу иштешүү аркылуу гана ишке ашат. Бул санариптик ажырымды жоюуну, билим берүүгө инвестицияны көбөйтүүнү, технология тармагындагы гендердик көзкарандылык менен күрөшүүнү жана санариптик чечимдерди кеңейтүү үчүн жаш инноваторлорду колдоону камтыйт.

Жаштардын мүмкүнчүлүктөрүн кеңейтүү жана алардын катышуусу быйылкы 22-23-сентябрда Нью-Йоркто БУУнун Башкы катчысы тарабынан президент Жапаров жана башка мамлекет башчыларынын деңгээлинде чакырылган Келечектин Саммиттин негизги бөлүгү болуп саналат. Саммит жаштар негизги ролду ойной турган көйгөйлөрдү чечүүнүн көбүрөөк байланышкан жана инклюзивдик глобалдык механизмдерин түзүүгө мүмкүнчүлүк берет. Башкы катчы дүйнөлүк лидерлерди Саммитти бардык деңгээлдеги жаштардын катышуусун арттыруу, жаштардын консультациялык органдарын түзүү, муундар аралык диалогду илгерилетүү жана дүйнө жүзү боюнча жаштар үчүн каржылоо мүмкүнчүлүктөрүн кеңейтүү үчүн пайдаланууга чакырды.

Жаштар элибиздин дээрлик үчтөн бир бөлүгүн түзгөн жана инклюзивдик социалдык-экономикалык өнүгүүнү илгерилетүү, климаттын өзгөрүшү, айлана-чөйрө, социалдык адилеттүүлүк, саламаттыкты сактоо же билим берүү сыяктуу көйгөйлөрдү чечүү үчүн өздөрүнүн жаңы көз караштары жана инновациялык чечимдери канчалык маанилүү экенин күн сайын көрсөтүп жаткан Кыргызстанда бул чакырыктан дагы кайсы жерде көңүл бура алат эле? 

Келгиле, быйылкы Эл аралык жаштар күнүн жана бүгүнкү иш-чараны Саммиттин жаштардын келечегин аныктаган чечимдерге көбүрөөк катышуусу жөнүндөгү убадасын ишке ашыруу үчүн курулуш материалы катары колдонолу жана жаштардын потенциалына инвестиция салууга милдеттенели.

Куралдарды, ресурстарды жана мүмкүнчүлүктөрдү камсыз кылуу менен биз жаштардын энергиясын жана чыгармачылыгын туруктуу өнүгүү жана бардыгы үчүн жакшы келечек үчүн колдоно алабыз.

Кыргызстандагы Бириккен Улуттар Уюму БУУнун Жаштар боюнча Консультативдик Кеңеши сыяктуу демилгелер аркылуу жаштардын мүмкүнчүлүктөрүн кеңейтүүнү колдоп, жаштарга БУУнун Кыргызстан менен өнөктөштүгүн туруктуу өнүгүү максаттарга жетишүү үчүн түзүүдө добуш берет. Биз ошондой эле саламаттыкты сактоо, билим берүү реформалары, иш менен камсыз кылуу, креативдүү индустрия жана санариптик сабаттуулукка жана башка багыттарга инвестициялоону улантабыз, анткени алардын туруктуу экономика жана инклюзивдүү, адилеттүү өнүгүү үчүн маанилүүгүн белгилейбиз.

Чоң рахмат.