Бүткүл дүйнөлүк адам укуктары күнүнө карата БУУ Башкы катчысы Антониу Гутеррештин кайрылуусу: «Адам укуктары - биздин күнүмдүк негизги баалуулуктарыбыз»

Бул философиялык жана саясий жаңылык болгон - жана ошондон бери биздин глобалдык коомчулуктун негизги тиреги болуп келе жатат.

Адам укуктары - жарандык, саясий, экономикалык, социалдык жана маданий укуктар - ажырагыс, бөлүнгүс жана өз ара тыгыз байланышкан. Акыркы жылдары жарандык мейкиндик барган сайын чектелип бара жатат. Кээ бир олуттуу укук бузуулар адам укуктарына болгон орой мамилени жана адам азабына болгон кайдыгерликти ачык көрсөтүүдө.

Биз бирге бул адилетсиздиктерге каршы тура алабыз: адам укуктарын жашоонун ажырагыс бөлүгүнө айланткан институттарды коргоо аркылуу.

Күн сайын Бириккен Улуттар Уюму дүйнөнүн бардык аймактарында адамдарга алардын негизги укуктарын ишке ашырууга жардам берет. Жарандык коом жана өкмөттөр менен кызматташып, биз адамдарды азык-түлүк жана башпаанек менен камсыздайбыз; билим берүүнү жана шайлоолорду колдойбуз; миналарды тазалоо иштерин жүргүзөбүз; айлана-чөйрөнү сактайбыз; аялдардын мүмкүнчүлүктөрүн кеңейтебиз; жана тынчтыкты бекемдөөгө салым кошобуз.

Бирок бул ишти биз жалгыз аткара албайбыз. Ал ар бир адамдын жигердүү позициясын талап кылат. Биз эң аярлуу топторду коргогондо, кайдыгерликтен баш тартканыбызда жана биздин укуктарыбызды коргогон институттарды колдогондо - адам укуктары жашап турат.

Адам укуктары пайдага да, бийликке да алмашылбай турган баалуулук. Ар бир адамдын кадыр-баркы жана эркиндиги сыймык менен корголушу үчүн, келгиле, укуктарыбызды бирдикте коргойлу.

                                                                                                                         * *** *