Биргелешкен Улуттар Уюму Кыргыз Республикасынын туруктуу өнүгүү максаттар (ТӨМ) боюнча улуттук милдеттенмелерин жана консультацияларды өткөрүүнү жогору баалайт

Бишкек, 4-сентябрь – Бүгүн, 2023-жылдын 18-19-сентябрында Нью-Йоркто өтө турган Туруктуу өнүгүү максаттары (ТӨМ) боюнча саммитке* карата Кыргызстандын министрлер кабинети ӨЛКӨНҮН милдеттенмелерин түзүү боюнча улуттук консультацияларды өткөрдү.

 

БУУнун Туруктуу координатору Антье Граве айым, Бириккен Улуттар Уюмунун Кыргыз Республикасындагы өлкөлүк командасынын атынан министрлер кабинетине ТӨМгө жетишүүнүн акселераторлорун аныктоого жана акыркы жылдары билим берүү, климаттын өзгөрүшү, жашыл экономиканы илгерилетүү, азык-түлүк коопсуздугу, адам укуктары жана гендердик теңчилик жаатында кабыл алынган улуттук милдеттенмелерди аткарууга активдүү мамилеси үчүн ыраазычылык билдирди.

Кыргызстандын максаттарын 2040-жылга чейин өнүктүрүүнүн Улуттук стратегиясы жана 2026-жылга чейин Өнүктүрүүнүн улуттук программасы сыяктуу улуттук саясатка жана стратегияларга интеграциялоо өлкөнүн туруктуу өнүгүүнүн максаттарын өзүнүн узак мөөнөттүү өнүгүүсүнүн ажырагыс бөлүгү катары таануусун чагылдырат.

Өлкөлүк милдеттенмелер анын биринчи ыктыярдуу улуттук серепинде жана ТӨМ боюнча Улуттук координациялык комитетти жана Жогорку Кеңеште ушул сыяктуу органды түзүүдө так аныкталган.

Белгилей кетсек, өлкө жакырчылыкты кыскартууда, билим берүүнү жакшыртууда жана экономикалык өсүшкө көмөктөшүүдө олуттуу ийгиликтерге жетишти. Өкмөттүн билим берүү тутумун өзгөртүүгө жана инклюзивдүү жашыл экономиканы алга жылдырууга басым жасоосу климаттын өзгөрүшүнө туруктуулукту жогорулатуу жана жакырчылыкты кыскартуу боюнча максаттарга шайкеш келет.

Кызыкдар тараптарды, анын ичинде жарандык коомду, жеке секторду жана өнүктүрүү боюнча өнөктөштөрдү тартуу – Кыргызстандын 2030-жылга карата ТӨМгө жетишүүнү жана ТӨМгө жетишүүдө прогресс үчүн жагымдуу шарттарды түзүүнү жактагандыгын баса белгилейт, бул бүтүндөй коомдун жыйынды мамилесин талап кылат.

БУУ ар дайымкыдай эле Кыргызстанга туруктуу жана адилеттүү келечекти курууга колдоо көрсөтүүнү улантууга умтулат.

* https://www.un.org/en/conferences/SDGSummit2023